Nagpagawas og kamandoan si Pang. Ferdinand Marcos Jr. nga nagbakwi sa palisiya sa paghatag og ranggo sa Career Executive Service (CES) sa mga gradwado sa Master of National Security Administration (MNSA) nga programa sa National Defense College of the Philippines (NDCP).
Katuyoan sa Executive Order No. 63 aron i-synchronize ang mga sumbanan ug mga pamaagi sa paghatag sa ranggo sa CES.
Ang EO nagpahayag sa Konstitusyon nga ang pagtudlo sa serbisyo sibil kinahanglan base sa merito ug kaangayan sa posisyon nga madeterminar pinaagi sa kompetisyon nga eksaminasyon.
Sa wala pa ang mando sa Presidente, ang mga gradwado sa programa sa MNSA sa NDCP nga na-assign sa mga posisyon sa CES gihatagan usa ka ranggo sa CES.
Apan karong Pebrero, girekomendar sa Career Executive Service Board (CESB) nga bawion na kining maong polisiya.
Anaa usab sa EO nga ang pag-admit sa mga posisyon sa CES gikinahanglan sa CESB. Ang CESB maoy magtakda sa mga polisiya, sukdanan ug mga pamaagi alang sa pagpili, klasipikasyon, bayad ug pagpalambo sa karera sa mga sakop sa CES.
