Gi-endorso na sa Philippine Statistics Authority (PSA) sa Office of the Solicitor General (OSG) ang pagkansela sa certificate of live birth (COLB) ni suspended Bamban, Tarlac Mayor Alice Guo ug sa tulo pa niya nga mga igsuon tungod sa irregular registration.
Sa pagdungog sa Senate Committee on Women kagahapon gikumpirma ni Assistant National Statistician sa Civil Registration Authority Engr. Marizza Grande ang ilang rekomendasyon sa OSG.
Gipaklaro usab ni Grande nga kung ugaling makansela ang COLB sa mayor mahimong ‘floating’ ang iyang identity.
Gidugagang usab sa opisyal nga gina-imbestigahan na nila ang modus sa PSA, partikular sa Lanao del Sur kalabutan sa paggamit ug mga langyaw nga delayed registration of birth aron makaangkon ug identity isip Pilipino.
Gihingusgan usab ni Sen. Risa Hontiveros nga hilabihan kabug-at sa implikasyon niini ilabina nga gituboy nga opisyal sa gobyerno si Guo.
