-- ADVERTISEMENT --
Wala pakyasa sa Boston Celtics ang ilang home crowd fans dihang masungkit ang Larry O’Brien Championship Trophy, human nga gipildi ang karibal nga Dallas Mavericks.
Kini ang bag-ong kampeonato nila sukad kaniadtong 2008.
Sa sinugdanan pa lang nahimong agresibo na ang Celtics dihang makapasulod ug 28 points kontra sa 18 points lamang sa Mavs.
Sa second quarter, todo paningkamot gihapon ang Boston nga may 39 points, samtang nabiyaan sa 28 points ang Dallas.
Mihinay ang shooting nila sa second half, apan lamang gihapon sa puntos.
-- ADVERTISEMENT --
Todo usab ang suporta sa crowd sa matag higayon nga musulod tira sa Celtics, ilabi na sa TD Garden sa Boston gipahigayon ang Game 5 sa NBA Finals.
Natapos ang dula sa score nga 88-106, pabor sa Boston Celtics.
