Nagbahad si kanhi pangulong Rodrigo Duterte nga mohimo siya og legal nga aksyon batok sa mga pulis nga misulong sa mga propyedad sa religious leader nga si Apollo Quiboloy sa Davao City.
Matud niini nga ang mga raid nga gihimo sa Philippine National Police – Special Action Force ug sa Criminal Investigation and Detection Group usa ka “overkill” ug “dili mahimong dili masilotan.”
Kahinumdoman nga kaniadtong miaging Marso, ang kanhi presidente maoy gihinganlan nga tagdumala sa mga kabtangan nga gitukod ni Quiboloy.
Dugang pa ni Duterte nga walay gipresenta nga search warrant ang kapulisan sa ilang pagsulod sa tanang kabtangan nga gipanag-iya sa Kingdom of Jesus Christ.
Kahibaloan nga gironda sa kapulisan ang pipila ka mga propyedad nga gipanag-iya sa KOJC sa Davao City, Samal Island, ug Sarangani aron isilbi ang warrant of arrest sa kontrobersyal nga televangelist.
Kahinumdoman nga nagtago-tago na si Quiboloy wala madugay human gipagawas ang arrest order batok kaniya sa mga kaso nga naglakip sa conspiracy to engage in sex trafficking by force, fraud and coercion ug sex trafficking of children; sex trafficking by force, fraud and coercion; conspiracy; ug cash smuggling.
Anaa usab sya sa Federal Bureau of Investigation’s (FBI) Most Wanted List.
