Inahan ug 5-anyos nga bata sa Cebu, patay human nag-inom ug pesticide

Nakaplagan nga wala nay kinabuhi ang usa ka inahan ug ang anak niini sa sulod sa ilang balay sa Sitio Lakatan,Barangay Camburoy,Samboan, Cebu.

Ang mga biktima mao silang Jeekris Binag, 31 ug 5-anyos nga anak niini nga si Axel.

Sumala sa otoridad, dihang naabtan, nagabukal-bukal pa ang baba sa mag-inahan ug gibutyag nga nag-inom ug pesticide ang duha.

Posible nga gipainom ug pesticide sa inahan ang iyang anak una usab kini nag-inom sa maong kemikal.

Ginatuohan nga personal nga problema ang rason sa pagpakamatay sa inahan ug gidamay pa ang iyang anak.

Aduna usab nakit-an nga suicide note kun asa nagapangayo ug pasaylo ang inahan.

Kumbinsido usab ang pamilya nga walay foul play sa nahitabo.