Celine Dion giangkon nga nalisdan gihapon sa pagkanta tungod sa iyang talagsaon nga sakit

Naghatag ug update ang singer nga si Celine Dion sa gibati niyang sakit.

Gibutyag niini nga nalisdan kini pagmaayo nga mukanta tungod sa iyang stiff person syndrome.

Dugang pa niini nga daw adunay nakatuklod sa iyang lalamunan.

Nakasinati usab kini ug spasms nga muatake sa pipila ka bahin sa iyang lawas lakip ang tiyan, spine ug mga gusok.

Tungod sa iyang sakit gikansela sa multi-awarded singer ang iyang “Courage World Tour” kung asa dili pasigurado kung makahimo pa siya ug mga concerts.

Ang stiff person syndrome usa ka matang sa sakit nga gaigo sa nervous system sa usa ka tawo.

Kung asa base sa pagtuon sa National Institute of Neurological Disorders and Stroke nga grabeng maapektuhan niini ang utok ug spinal cord.