Fully implemented na ang balaod nga magregulate sa vape dinhi sa Pilipinas kansa mao ang Republic Act 11900 sa sunod nga semana, kini ang gikumpirma ni Atty. Kurt Montero sa Department of Trade Industry kon DTI Caraga.
Usa matud pa sa mga patakaran sa maong balaod ang pag-dili sa pagpamaligya sa mga vape ngadto sa mga menor de edad, bawal usab ibaligya ang maong produkto nga walay warning sign, ingon man ang pagbawal pagtukod og mga tindahan nga namaligya og vape sa mga lugar duol sa eskwelahan, diin usa sa mga silot sa makalapas sa maong balaod mao ang P10,000 nga multa ug 30 diyas nga pagka priso.
Pagbutyag niini nga una nang gibalhin sa Kongreso ang hurisdiksyon sa maong balaod gikan sa Department of Health ngadto na sa Department of Trade and Industry alang sa epektibong implementasyon sa maong balaod.
Apan dugang pasabot sa opisyal nga wala nagbawal ang maong balaod sa paggamit sa vape, kun dili, gina-regulate lamang niini ang paggamit sa maong produkto, sama sa sigarilyo.
