Gisaway sa mga kongresista si kanhi Pangulong Rodrigo Roa Duterte ug administrasyon niini sa pagpadayon sa status quo policy sa Ayungin Shoal bisan midaog na ang Pilipinas sa arbitral court.
Gihimo sa mga kongresista ang pagsaway human nga gisulti ni kanhi Executive Secretary Salvador Medialdea nga gipadayon sa administrasyong Duterte ang nakasabotan nilang kanhi defense secretary Voltaire Gazmin og kaniadto Chinese Ambassador Ma Keqing nga magpatuman og status quo sa Ayungin Shoal bisan nga midaug na ang Pilipinas sa Arbitral Court.
Subay sa kasabutan, tubig ug pagkaon lang ang ipadala sa mga sundalo nga naa sa BRP Sierra Madre nga na-stranded sa Ayungin Shoal.
Si Medealdia wala magpagawas ug bisan unsang ebidensiya kalabot sa giingong kasabotan nilang Gazmin ug Ma samtang si kanhi Defense Sec. Delfin Lorenzana nga wala siyay nahibaw-an sa maong kasabotan. Usa ka representante sa Department of Foreign Affairs miingon nga ang ahensya walay nahibal-an sa giingon nga kasabutan.
