GENERAL SANTOS CITY – Gihulat pa sa kapulisan ang resulta sa gihimogn forensic examination sa bungo sa tawo nga nakotkotan sa pundok sa balas nga anaa sa compound simbahan sa Our Lady of Fatima Parish sa Fatima ning syudad.
Matud ni Police Major. Wesley Matillano, gamiton sa konstruksyon sa compound sa simbahan ang balas nga napondo sobra na sa usa ak tuig. Posibleng naapil atol sa paghakot sa balas sa quarry gikan sapa ang bungo nga posibleng gikan sa kabukiran.
Nakig-alayon na sila sa ubang presinto alang sa posibleng nawad-an og kabanay .
Pasado alas kwatro sa hapon dihang nakadawat ug taho gikan sa taga simbahan ang Fatima Police station bahin sa bungo.
Sa pagresponde sa SOCO team gilayon nagpahigayon ug forensic examination sa giingong bungo sa tawo ug ila kining gibutang sa usa ka sudlanan samtang giukay ang nahibilin nga pundok sa balas nga naa sulod sa compound sa nahisgutang simbahan. apan walay nakita nga laing bukog iya sa tawo.
Nasuta nga ang naasoy nga graba ang gipalit lamang sa taga simbahan luyo nga gidudahan nga ang nahisgutang bukog sa tawo ang nagagikan sa wala matino nga quarry site.
