GENERAL SANTOS CITY – Gipanghimakak sa nagpangalan ug Dodong 36 anyos nga taga Cotabato City nga may gihimo nga dautan sa dise anyos nga silingan sa iyang ig-agaw.
Pagsaysay niini nga Abril dos ning bulana migawas matud pa kini sa panimalay human miadto sa syudad apan dihang mibalik sa lugar natagbu-an matud pa niini ang dise anyos nga dalaga nga naghilak didto na matud pa nangabut ang pipila ka tawo ug gitabangan siya ug kulata.
Giangkon niini nga taga Cotabato City apan dugay ng nagpuyo sa Labangal ug nagpuyo sa balay sa iyang ig-agaw.
Giangkon niini nga gikasuhan ug rape hinungdan nga naa sa detention facility sa Makar Police station.
Kahinumduman nga usa ka taho nga gitabangan ug bokbok sa mga residente sa Labangal ang 36 anyos nga traysikol driver human matud pa naaktuhan sa amahan sa menor de edad nga gimolestiya ang anak hinungdan nga nangayu ug tabang ug miabut ang pipila ka kabanay ug gikulata ang suspek.
Gawas sa kaso nga Rape, apil gipasaka sa piskalya ang Acts of Lasciviousness hinungdan na na tanggong sa selda.
