GENERAL SANTOS CITY – Gipasalamatan ni Mayor Salarda ang ang naa sa law enforcement agency ug sa security cluster sa pagsiguro nga malinawon ug hapsay ang pagsaulog sa “Semana Santa.”
Gipangunahan usab niini ang pagtunol ug pasidungog sa paspas nga pagdakup sa mga suspek sa brutal nga pagpatay sa mag-amahan sa Purok Bitus kaniadtong milabayng Martes Santo.
Kahinumduman nga nakita na lamang nga walay kinabuhi ang Amahan ug anak nga natabunan ug mosketiro sa usa ka payag sa Purok Mingcat, Poblacion Alabel Sarangani.
Giila ang mga biktima nga silang Hilarion Alicaway Vibas Jr. 40 anyos ug anak niini nga si John Hilary Bayang Vibas, kwatro anyos pulos residente sa nahisgutang lugar.
Ang mag-amahan nakaangkon ug samad tinigbasan sa lawas og samad sa liog. Una ng gibutyag sa kanhi kapuyo nga si Lilibeth Bayang nga iyang nahinumduman nga kaniadto may tawo nga adunay dakong kasuko kang Hilarion tungod matod pa sa pagpanghikap niini ug dughan sa babaye.
Kini matud pa ang gidudahan niini nga mihimo sa pagpatay sa biktima og naangin ang ilang anak nga si Hilary. Gabii una nahitabo ang krimen nakig-inum pa si Hilarion sa wala gibutyag nga mga kauban.
