GENERAL SANTOS CITY – Nahimong positibo ang byahe ni President Ferdinand Marcos Jr. sa Australia tungod malampuson nga napatuman ang Southeast Asian Investment Financing facility para sa mga negosyante nga taga Australia nga gamiton ang duha ka bilyon dolyar para mag invest sa renewable energy ug infrastructure sa Southeast Asia nga gilantaw nga kompitesyon sa China.
Kini ang pahayag ni Bombo International Correspondent, Denmark Suede sa Australia.
Matud niini sa pagbisita ni Pang. Marcos napirmahan usab ang katorse ka kasabutan apil ang duha ka letter of intent ug dose ka Memorandum of Understanding nga nagkantidad ug P86B.
Usa usab sa maayong balita dihang gianunsyo sa Australia ang paghatag ug visa sa mga qualified traveler nga may napulo ka multiple entry buot ipasabut nga mamahimo nga makapuyo sa Australia ug tulo ka bulan nga kanhi usa ka tuig nga maximum.
Ang australia may visiting forces agreement nga gipatuman sugod 2012 ikaduha nga nasud sunod sa America.
