GENERAL SANTOS CITY – Gipasidunggan atul sa sesyon ang kapulisan sa syudad human nga nakakuha ang taas nga marka sa gipahigayong Mindanao Development Authority (MINDA)Survey sa ulahing quarter sa tuig 2023.
Subay sa resulta sa survey sa MINDA, nakakuha ang GSCPO ug 97 percent Safety Index; 98 percent respect Index; 99 percent Trust index ug 99 percent Satisfaction Index.
Ang plaque of appreciation ang gipresenta ni City Councilor Richard Atendido ngadto kang Police Col. Nicomedez Olaivar ang labaw sa kapulisan sa syudad.
Dungan sa pahayag ni Col. Olaivar nga ang taas nga marka nga nakuha sa GSCPO sa pinakaulahi nga Minda Survey ang pamatuod sa maayong performance sa kapulisan sa syudad.
Gipasalamatan ni Olaivar ang Sanguniang Panglungsod sa pag-ila sa ilang mga nahimo aron mapabilin ang kahapsay ug kalinaw sa dakbayan ingon man mapakusgan ang pagsalig sa katawhan sa kapulisan.
Nasuta nga gitutukan sa kapulisan ang pagsulbad sa kriminalidad sama sa pagpamusil ug kawat luyo nga adunay nadakpan ug nakasuhan.
