GENERAL SANTOS CITY – Subli nga gipatawag sa Konseho ning syudad si City PNP Director Col. Nicomedez Olaivar Jr aron tubagon ang kalabutan sa naghitak nga drag race ug action niini sa mga motorista nga gagamitan ug open pipe nga tambotso.
Atul sa question and answer portion sa sesyon gipaklaro sa labaw sa kapulisan nga dili permanente ang mga drag race luyo nga may mga lugar na sila nga natumbok sama sa diversion road.
Gani may kamandu-an na kini sa iyang mga Hepe nga magbutang ug mga sakop aron dali marespondihan ug masikop ang mga responsable.
Mihangyo usab si Olaivar sa mga barangay opisyal nga mutabang aron ipatuman ang balaud.
Hinuon mitubag si ABC President Bobby Pacquiao nga palihukon ang mga Kapitan aron pagtubag sa reklamo.
Basi sa impormasyon nga ang mga motor nga gigamit sa drag racing ang dili usab mga rehistrado busa kung madakpan man sigurado gayud nga dili na kini makuha pa sa mga tag-iya.
