GENERAL SANTOS CITY – Nasunod gayud ang plano sa seguridad nga giplastar sa Fiesta Directorate sa fluvial parade sa kapyestahan ni Sto. Niño tungod gisunod sa mga deboto ang gihan-ay nga parada.
Kini human gibana-banaang dos syentos ka mga fishing boat ang miapil sa prosesyon nga gikalambigitan sa mga barko, lantsa, pumpboat ug mga bangka nga misunod sa prosesyon gikan sa baybayon sa Bula paingon sa fishport ug pabalik nga rota sangko sa baybayon sa Barangay Dadiangas South.
Una nga gikasabutan nga anaa lamang sa 6 knots ang dagan sa mga muapil sa prosisyon.
Gwardiyado sa wala nga bahin sa carrier ni Sto. Niño ang fast craft sa Philippine Navy samtang sa tuo nga bahin ang dakong barko sa Philippine Coast Guard samtang sa likod nga bahin nagsunod ang mga panagatan nga panag-iya sa lain-laing mga kompanya ug mga indibidwal.
Sa kinatibuk-an hapsay ug malinawon ang fluvial parade karong tuiga.
