GENERAL SANTOS CITY – Gibalik sirado ang under pass project sa syudad aron ipadayon ang construction sa P650M mega project sa syudad human ang temporary opening kaniadtong bulan sa desyembre aron mahimong sayon ang dagan sa trapiko. Matud ni retired general Maximo Layugan sa city traffic nga sirado na karon ang under pass project aron dili madesturbo ang nagpadayon nga pagtrabaho sa labing dako nga underpass project sa tibuok rehiyon nga target mahuman sa tuig dos mil baynte singko.
Nangayu ug pagsabut si Layugan sa pagbalik sa kanhi rota gamit ang matag kilid sa under pass project hinuon mas luag na ang aginanan tungod sa lapad nga dalan.
Sa takda nga pagpasiga sa syudad sa 22 ka bag-ong traffic lights naghimo na kini ug eskima alang sa pagdeploy sa 136 ka mga ginsakpan aron tudlu-an ang mga motorista sa dapat himuon aron malikay sa mga bayolisyon.
Matud ni Layugan nga andam mu-isyu ug citation ticket ang mga sakop alang niadtong mga pasaway nga motorista.
Pagsaysay niini nga daghan sa mga traysikel ang naisyuhan ug citation ticket tungod sa wala pagsunod sa balaud trapiko.
Gikalipay niini nga nagsugod na pagdawat ang syudad ug aplikasyon alang sa renewal ug bag-o nga prangkisa human gihisgutan sa meeting sa MTFRB nga muabli ug dugang dyes mil ka prangkisa aron idugang sa kasamtangan unom ka libu ka prangkisa.
Matud ni Layugan nga ang syudad pagka karon adunay ginababanaang 33,000 ka mga traysikel nga gadagan sa syudad.
