GENERAL SANTOS CITY – Ginaimbestigahan na sa mga otoridad ang posebli nga bagsakan unta sa gibanabanaang upat ka milyon ka pesos nga kantidad sa palusot nga sigarilyo nga gikan pa sa nasud Indonesia.
Kini human gikustudiya sa felix apolinario naval station sa panacan Davao ang duha ka filipino ug usa ka Indonesian national nga sakay sa usa ka motor bangka nga may karga nga usa ka gatus ka karton sa sigarilyo.
Una nga nasita sa mga sakop sa Naval forces Eastern Mindanao ang usa ka kadudahan nga bangka sa bisinidad sa Balut island, Davao Occidental dihang nagpahigayon ug defense operation ang BRP Artemio Recarte sa naval task force 71.
Samtang naa sa kampo sa mga sundalo ipailawom sa de briefeng ug health asseshment ang tulo ka suspek lakip inqury aron mahibaw-an ang mga kauban ug kontak sa mga nahisgutan.
