GENERAL SANTOS CITY – Gidiga ni Gensan City Councilor Jose Edmar Yumang ang kalahi-an sa na-deliberate niyang 2024 Annual Budget sa dakbayan ikumpara sa origial proposed budget sa matag-departamento sa City Hall nga gipatuman karon sa bag-ong Chairman sa Committee on Finance sa administrasyong Pacquiao.
Tumong ni Yumang aron masayran sa katawhan sa dakbayan aron makita ang kalahi-an sa iyang na-plastar na unta nga 2024 annual budget, ikumpara sa orihinal nga proposed annual budget nga giduso sa Executive department nga wala masusi pag-ayo sa kasamtangang Committee on Finance sa Sangguniang Panlungsod.
Usa niini ang budget alang sa City Agriculturist Office nga walay mitigation program ug budget alang sa mga mag-uuma alang sa nagsingabot nga hulaw nga masinati-an sa sulod sa pipila ka buwan.
Matud ni YUmang iyang gibutangan ug pundo ug programa aron makatabang sa mga mag-uuma kung mo-abot na ang hulaw.
Gikadugang pa niini nga walay bag-o nga programa ang kasamtangang administrasyon tungod gikopya lamang ang mga programa sa kanhi Rivera administration ug kung may gidugang nga dakung budget pulos lamang purchasing system sama sa mi-aging tuig 2023.
Paghulagway niini nga ga-clog na sa buhatan sa Bids and Awards Committee (BAC) ang gusto nilang pamaliton nga mga butang.
Kahinumduman nga pakyas ang syudad sa pag-angkon sa Seal of Good Local Governance tungod sa poor management.
