GENERAL SANTOS CITY – Katunga na sa ihap sa mga barangay sa syudad ang gideklara nga Drug Cleared luyo nga padayon ang paningkamot sa mga barangay kapitan nga hingpit ng madeklara nga drug clearde ang nahibilin nga trese ka barangay.
Kini ang Barangay Batomelong, Bula, Baluan, City Heights, Upper Labay, Conel, East, South, North, Tinagacan, Ligaya , Olympog ug Barangay San Jose.
Resulta kini sa gipahigayon nga special deliberation sa regional oversight committee for barangay drug clearing kaniadtong desyembre dise otso nakalabay nga tuig.
Gipahigayon kini sa nagkalain laing ahensya sa gobyerno ug dinhi gideklarang Drug Cleared ang trese ka mga barangay sa syudad.
Kahinumduman nga tuig 2017 gisugdan ang drug clearing program aron magtotok sa mga programa aron batukan ang kalihukan sa ginadili nga druga.
Ang hisgutanan sa Illegal drugs ang prayoridad sa peace and order council meeting nga giapilan sa uban nga ahensiya sa kampanya sa Illegal drugs aron hingpit malimpyuhan sa ginadili nga druga ang usa ka barangay.
Ang trese ka barangay nga dili pa drug cleared ang kinahanglan nga pag apply pag-usab pinaagi sa pagsunod sa daghan nga mga proseso.
Usa sa rekositos niini nga kadtong mga nalambigit na kanhi sa illegal drugs ang kinahanglan nga mupailawom sa rehabilitation.
Lakip sa rekositos nga wala nay residente sa barangay nga dakpunon tungod sa illegal drugs ug daghan pang uban.
