GENERAL SANTOS CITY – Naghatag ang dakbayan sa Heneral Santos og P15,000 sa pamilya sa mga namatay gumikan sa linog.
Matud pa ni City Mayor Lorelie Pacquiao nga personal miadto aron itunol ang maong hinabang og personal nga ipadangat ang pahisubo sa pamilya. Samtang ang Deparment of Social Welfare and Development kon DSWD ang naghatag og P20,000 sa matag biktima.
Kahibaluan nga tulo ang kumpirmadong patay gumikan sa linog.
Unang nakumpirma nga namatay ang magtiayon nga silang Danny Ginung 26 anyos ug Jane Ginung 18 pulos empleyado sa Amadeo Pathwoods ug residente sa Pao-pao Sinawal ning syudad. Ang duha ang natumbahan sa pader sa ilang gitrabahuan sa San Isidro ning dakbayan.
Ang laing usa mao si Winnefreda Flores, 45 anyos, minyo, ug gatrabaho isip manikyurista sa usa ka mall ning dakbayan. Gituohan nganahulogan og mga debris kon tipaka gumikan sa kakusog sa linog.
