GENERAL SANTOS CITY – Miapela si City Councilor Atty. Edmar Yumang sa duha ka partido sa sanggunian ning dakbayan nga matud pa nagmalampuson si Vice Mayor Rosalita Nuñez sa pag-override sa veto sa mayor, aron makapakita ang kagawasan sa Sangguniang Panlungsod gikan sa ehekutibo, nga mamahimong parte sa kasaysayan sa GenSan.
Gipasa ang supplemental budget gikan sa pondo sa Sangguniang Panlungsod alang unta sa padayon nga sweldo sa mga job orders, butang nga gi-veto sa mayor.
Kini may kalabotan sa hisgutanan sa probisyon sa pagkuha sa mga empleyado lakip na ang mga job orders.
Dugang pa niini nga ang tumong sa pag override sa veto dili lamang alang sa General Santos City, tungod ang maong isyu ang gidala sa national hilabina sa mga opisyales sa Liga sa mga Bise Mayor, nga nagduso aron bag-uhon ug hatagan og klarong depinisyon ang gahum sa mga bise mayor sa susamang sitwasyon ug hilabina sa hisgutanan sa power of the purse.
