Kapin sa 2,000 nagparehistro sa satellite voter registration sa Labangal

GENERAL SANTOS CITY – Anaa sa 2,033 ang nagparehistro sa barangay Labangal ning syudad sulod sa duha ka adlaw nga voter registration.

Sa unang adlaw anaa sa 742 ang nagparehistro og 1,291 ang sa ikaduha ka adlaw.

Ang comelec ang nagpasalamat sa kooperasyon sa tanan nga nagtinabangay aron nagmalampuson ang satellite voter registration.

Samtang Enero 16 karong adlawa ipahigayon ang satellite voter registration sa Upper Labay, Enero 17 sa Olympog, Enero 18 sa Conel, Enero 19 sa Baluan, Enero 20 sa Bula og Enero 21 sa City Heights.

Padayong gi-awhag sa Comelec ang wala pa makaparehistro gumikan hapit na ang deadline sa Enero 31, 2023.