Mga negosyante sa syudad muhangyo og tax amnesty

GENERAL SANTOS CITY – Muhangyo ang mga negosyante sa syudad sa lokal nga gobyerno kalabutan sa paghatag og amnestiya sa balaydunon sa buwis.

Matud pa ni Ben Claudio, presidente sa GenSan Chamber of Commerce and Industry nga dugay na nga wala naghatag og amnestiya ang syudad gawas pa nga dako ang epekto sa mga negosyo ang nahitabo nga pandemic.

Nanghinaut ang nasampit nga unta mahatag sa syudad ang ilang hangyo.

Gibutyag pa niini nga daghang mga negosyo ang nagsugod pa lamang sa pagbangon tungod sa pandemnya.

Nasayran nga daghan ang nanirado panahon sa pandemnya gawas pa nga gilimitahan ang musulod nga mga customers tungod sa nasinatian nga COVID 19.