GENERAL SANTOS CITY – Excited na ang tibuok Qatar, isip host country sa matigayong FIFA World Cup ning tuiga.
Matud ni John Paul Rosales, Bombo International Correspondent sa maong nasud, daghan kining kaila nga mga Pinoy ang nag-volunteer sa maong event.
Gibutyag niini nga hugot ang preparasyon sa gobyerno sa Qatar sa maong event.
Sumala pa ni Rosales nga Agosto pa lang mabati na usab ang ‘World Cup vibes’ kung asa ang mga kadalanan, mga malls, ang mga gambalay ang nagbutang og mga posters, props og uban pa nga konektado sa dula nga football.
Sa iyang pamahayag nga dili angayang palampason ang maong dakong torneyo nga ‘once in a lifetime’ nga makit-an karon sa Qatar tungod kasagaran ginapahigayon kini sa European countries.
Sumala pa nga andam na ang mga stadiums para sa mga dula. Gibutyag ni Rosales dali lang maadtuan ang mga stadiums tungod may mga train nga konektado sa lugar.
Sugod sa unang semana sa bulan sa Nobyembre 2022 mag-abot na ang mga players alang sa FIFA World ning tuiga.
