GENERAL SANTOS CITY – Nagmadaugon si Michael Pacquiao, anak ni 8 Division World Boxing Champ Manny Pacquiao sa iyang amateur boxing debut batong kang Nathaniel Ruiz nga gipahigayon sa Parañaque City.
Nahimong init ang binayluanay sa kinumo sa duruha sulod sa tulo ka rounds kung asa tig duha ka minuto ang matag rounds.
Sa unang round, nagkadugo na ang ilong ni Michael Pacquiao nga naigo sa left hook ni Ruiz, apan imbes nga maluya, nahimo hinuon kining mitsa nga mas nahimong ganado diin gikabutyag pa sa mga commentator nga daw susama sa iyang amahan nga si Pacman nga mas nahimong agresibo kung makakita nag dugo.
Gani pag-abot sa ikaduhang round, tantsado na ni Michael ang pagbuhi ug mga jabs nga misentro sa ulo ug lawas ni Ruiz.
Wala na makaporma pa ka katbang dihang gipakita ni Michael mga kombinasyon niini nga daw lihok na sa usa ka pro-fighter.
Sa katapusan mipabor ang mga judges base sa scorecard kang Michael Pacquaio.
Kahibaloan nga unang misalmot sa amateur fights ang magulang ni Micahel nga si Jimmuel diin dili gayod malilong ang dugo sa usa ka kampeon nga milatay kanila.
