GENERAL SANTOS CITY – Misaka sa bulan sa Agosto sa kasamangang tuig ang Inflation sa Syudad sa Heneral Santos tungod sa nagpadayong pagsaka sa presyo sa mga batakang palaliton ug serbisyo.
Kahibaloan nga sa bulan lamang sa Agosto misaka sa 7.9% ang inflation rate sa Dakbayan kung itandi sa 7.7% sa miaging bulan sa Hunyo sa kasamtangang tuig ug 5.5% sa susamang bulan sa tuig 2021.
Mas dako usab ang gisaka sa inflation sa Suyad kung itandi sa rehiyonal ug nasudnong lebel.
Sumala sa datos sa Philippine Statistics Authority nga 6.6 porsyento ang inflation rate sa kinatibuk-ang Rehiyon dose, samtang 6.3 porsyento sa nasudnong inflation.
Mas mubo kini kung itandi sa inflation nga naangkon sa Dakbayan sa Heneral Santos sa bulan sa Agosto lamang.
Samtang lauman nga magpabilin ang taas nga inflation gumikan sa nagpadayong pagtaas sa presyo sa mga nag-unang palaliton kung asa nagnihit ang ubang mga suplay.
