GENERAL SANTOS CITY – Gihatagan ug katin-awan ni Denmark Suede, Bombo International Correspondent nga nakabase sa Australia ang kamahinungdanon sa CommonweaLth of Nation ug Commonwealth Realm sa United Kingdom.
Saysay niini nga managlahi ang Commonwealth Realm sa Commonwealth of Nation kung asa, sa kasamtangan adunay 56 nga kasamtangan ug kanhi Commonwealth nation ang UK.
Gikan sa 56, 15 niini ang giila isip Commonwealth Realms kung asa kini nga mga nasud ang nag-ila sa Reyna o ang Ruling Monarch nga mao ang Head of State ug Head of the Government.
Kahibaloan nga ang ginakonsidera nga Head of the Government sa nahibilin pang sakop sa Commonwealth of Nation sa UK mao ang Governor General kung asa ang ubang mga tawo ang naglibog kung kinsa ba ang naghupot og mas taas ang gahom.
Apan saysay ni Suede nga sagad gihapon ginaila nga labing taas mao ang ruling Monarch isip Head of the State luyo nga ginarespeto sa gihapon ang gahom sa mga Governor General isip head of the Government sa mga Commonwealth Nations sa United Kingdom.
