GENERAL SANTOS CITY – Gikan sa walo ka presento plano sa syudad nga dungangan ang mga presento sa kapulisan aron mahimo na kining onse ka presento.
Sa kasamtangan usa sa gilihok sa administrasyon ni Mayor Lorelie Pacquiao nga masunod ang mga protocol aron maduso ang mga kinahanglanon papeles paingon sa camp crame.
Gibutyag ni Lt Col. Aldrin Gonzales, tigpamaba sa kapulisan sa syudad nga taas kaayo ang proseso aron sa pagdugang ug presento sa kapuilisan/ Giangkon niini nga naa na sa husto nga panahon aron madugangan ang presento tungod nagkadaghan ang mga residente sa syudad.
Gibutyag niini nga manginahanglan ug singkwenta ka pulis ang usa ka presento apan nanginahanglan kini ug pagtugot gikan sa Camp Crame maingon man sa National Police Commission.
Usa sa malisod nga criteria nga manginahanglan ug lote nga katukuran niini tungod dili murelease ug pundo ang camp crame kung walay yuta nga kabutangan. Mangayu usab kini ug ayuda sa mga force multpliers luyo nga masaligon kini sa LGU.
Kinahanglan usab ang resolostion gikans a Sanggunian panglungsod ug ang memorandum request gikan kang PRO 12 general Tagum .
Nasuta nga kaniadto nahimong hisgutanan sa Konseho ning syudad nga magdugang ug presento apan wala gayud kini natuman.
