GENERAL SANTOS CITY – Gikumpirma sa City Disaster Risk Reduction Management Office nga daghan sa mga barangay kagabii ang nabahaan human mibundak ang makusog nga pag-ulan gumikan sa habagat.
Matud ni Hanna Joaquino special operation sa maong buhatan nga gilayon nga gipadagan ang ilang monitoring vehicle ug nakita ang daghang lugar nga nabahaan.
Matud niini nga kasagaran sa baha ang miawas gikan sa canal hinungdan nga giokopa ang dalan hinuon dili kaayo taas ang tubig.
Nagpasalamat kini nga bisan ug kapin duha ka oras nga pag-ulan walay gikataho nga disgrasya sa kadalanan nga mugna sa pagbaha hinuon gikumpirma niini nga daghan sa mga barangay kagabii ang nagka brown out atul sa pagbundak sa ulan.
Sa gipahigayon nga rapid asseshment ug pagkontak sa mga barangay walay namakwit sa mga residente luyo nga gikataho ang pagtaas sa tubig sa Baluan nga bahin apan anam-anam kini nga miubos.
Gisogyot usab niini sa mga residente nga kung unsa man nga emergency nga mahitabo i dial lamang ang hot line number nga 0943 461 4548 ug ang muresponde niini ang ilang ambulanciya.
Gitambagan pa niini ang publiko nga dili magpanic ug kinahanglan nga magmonitor sa palibut aron sayon nga makahawa sa lugar kung kinahanglan.
