Gihatagan ug katin awan ni Atty Rey Cartojano ang co-anchor sa Duralex Sedlex ang kalabutan sa dagan sa sitwasyon ni pangulong Rodrigo Duterte sa subling pagpangusog sa International Criminal Court kon ICC kalabutan sa war on drugs.
Sumala kang Atty Cartojano nga sa mismong adlaw nga mukanaog na ang Outgoing President mamahimo na siya nga kasuhan dili lamang sa ICC kundili bisan sa mga korte sa nasud gumikan nawala na ang ginatawag nga Presidential immunity, buot pasabot nga bisan kinsa ang naagrabyado sa iyang administrasyon mamahimo na nga makapasaka ug kaso gumikan usa nalang siya ka ordinaryong citizen sa nasud.
Samtang giklaro ni Atty Cartojano nga dili basta basta nga makapanghilabot ang ICC gumikan kinahanglan muagi sa proseso kung asa angayan nga ila unang mapamatud-an nga ang mga imbistigasyon ug proseso sa usa ka nasud dili na epektibo.
