GENERAL SANTOS CITY – Patay ang usa ka lalaki human gipusil sa sa Leon lido Street, Brgy. Lagao General Santos City alas 6:30 sa gabie kagahapong adlawa Hunyo 6 samtang sakay sa iyang puti nga SUV nga may plate number nga MAU 5080.
Giila ang maong biktima sa pangalang Peter Tiang Salvador, 39 anyos na residente sa Blk. 3, Agan Grandville, Barangay City Heights. Gideklara sa Dr. George P. Royeca Hospital nga dead on arrival ang pagkamatay sa nasampit.
Nasayran nga si Tiang Salvador usa ka Managersa Philippines Business Bank. Base sa imbistigasyon nakaangkon ug daghang pinusilan sa lawas an biktima.
Gilabutyag nga nakadawat ug tawag ang kapulisan nga may natigayong shooting sa nasampit nga lugar busa gilayon nga silang miresponde nga gipangunahan ni Pcpt Miguel Angelo Quidilla.
Sa pagkakaron wala pa nailhan ang suspek ug padayon pa gihapon ang ginamugnang imbistigasyon sa posibleng mutibo sa maong krimen.
