GENERAL SANTOS CITY – Excited na si Raul Sevelino sa pag-uli sa Gensan sa iyang anak nga si Richein Yosores, gold medalist sa Vietnam Seagames.
Mapasigarbohon ang nasampit sa performance sa iyang anak tungod isip trainer nagbunga ang ilang pagpaningkamot.
Mapasalamaton ang amahan nga nahimong kabahin sa national team si Yosores, tungod mas ma-develop pa ang skills og taas pa ang makab-ot sa kinabuhi .
Nasayran nga may heroes welcome ang syudad alang kang Yosores.
Ang team ni Yosores ang gikatakda nga muabot sa kauluhan karong adlawa og wala pa nasayran kung kanus-a muuli sa GenSan.
Ang nasampit ang usa ka senior high school student sa Irenio Santiago National High School sa dakbayan.
Una ng gibutyag ni Lady Manalo sa sports Division sa General Santos nga tagbuon ug heroes welcome ang upat ka deligado nga miapil sa 31st Vietnam Sea Games.
Giandam na usab sa syudad ang financial incentives sa mga nahisgutan.
