SARANGANI PROVINCE – Lakip sa gipabantayan sa LGU Sarangani ang hulga sa laing makalisang nga virus makapatay sa mga binuhing manok, pato, ganza, bebe, pugo ug pabo, ug makatakod ug makapatay usab sa tao kung ma-grabehan, ug kana mao ang Bird Flu.
Hugot ang pagbantay nga gimugna karon sa mga checkpoint dili lang sa sakit sa baboy nga virus kundili ang hinungdan nga gitawag nga ASF o African Swine Fever nga kasagaran sa gibahog nga lamaw makuha, ug ang padayon nga pagpatuman sa personal health protocols kay padayon pang nanakod ang Coronavirus, kundili apil na ang lain napud nga virus, sama sa avian influenza nga nailhan sa tawag nga Bird Flu.
Kahibaluan nga daghan nga mga poultry ang nangalaras sa may Sultan Kudarat ug Davao del Sur busa paspas nga nagpahighayon ug pag-blood sampling ang buhatan ni Provincial Veterinarian Dr. Bernard Cababat.
Negatibo ang nakuha nila nga sample sa Kiamba ug Maitum, hilabi na sa mga bebe anaa sa kabasakan nga maoy kasagaran da-li mataptan og gadala sa Bird Flu.
