GENERAL SANTOS CITY – Giangkon sa labaw sa Police Regional Office (PRO)12 nga dugay na nga nakadawat og impormasyon nga ‘relax’ og kumpiyansa ang mga pulis sa Region 12.
Matud ni P/Brig. Gen. Alexander Tagum kini ang rason hinungdan nga dihang milingkod isip regional director, gilayon kini nga nagpahigayon ug surprise inspeksyon nga miresulta sa pagrelib sa tulo ka mga chief of police nga gikan sa Pendatun Police Station, Lagao Police Station og San Isidro Police Station.
Ang maong inspeksyon ang gihimo aron masayran kung unsa ka-andam ang kapulisan sa pagresponde sa unsa mang sitwasyon.
Apan gibutyag niya nga iyahang nakita ang pagpaningkamot sa ubang mga pulis nga mahimo ang ilahang trabaho, apan adunay pipila usab nga nagarelax lang bisan pa man on-duty.
Sa pamahayag ni Brig. Gen. Tagum nga leksyon matud pa kini para sa tanang opisyal sa kapulisan sa rehiyon aron dili magrelax ug dili mag-kumpyansa sa ilahang mga trabaho.
Naghatag na usab siya ug direktiba sa investigation unit sa PRO 12 nga imbestigahan ang maong insidente.
