GENERAL SANTOS CITY – Biktima sa mga criminal smugglers ang 31 ka mga migrants nga namatay human nga naunlod ang bangka nga ilang gisakyan samtang naa sa English Channel sa kadagatang bahin sa Calais sa northern France.
Matud ni Bombo International Correspondent Cherry Ann Barray sa France apan taga Malungon, Sarangani Province nagtinabangay karon ang gobyerno sa France og United Kingdom kung asa nakatutok sa pag-imbestiga sa insidente.
Gibutyag ni Barray, base sa migawas nga balita sa France nga ang mga biktima sumala pa misakay sa bangka aron makatabok paingon sa England tungod nanimpalad nga makaangkon ug maayong kaugmaon apan masubo lang kay nahitabo ang trahedya.
Nagtunol na og pahisubo si French Prime Minister Jean Castex sa pamilya sa mga namatay nga biktima.
Gitawag sa mga opisyal sa France nga usa ka pinakagrabeng insidente sa mga migrants ang pagkaunlod sa ilang bangka.
