Gipahigayon sa Municipal Agriculture Office ang pag-inspection og assessment ngadto sa nahitabong landslide sa miaging November 20, 2021 sa Sitio Nabol, Barangay kihan, Malapatan, Sarangani Province.
Matud pa nga walay panimalay nga naapektuhan sa landslide gumikan lagyo sa maong area ang balay sa mga tawo.
Ang mga pananum sa mga mag-uuma susama sa mais, saging, lubi, mga prutas ug uban pa nga mukabat ang apektado kung asa mukabat sa 36 hektaryas ang kadakuon sa pagdahili sa yuta.
Gibutyag nga 12 ka mga mag-uuma sa Sitio Nabol ang apektado sa landslide.
Gibutyag nga adunay yuta nga nagtabun sa creek nga ngresulta sa pagtigum sa tubig, apan walay angayang kabalak-an gumikan may gawsanan ang tubig gawas pa nga layo ang mga balay sa lugar kung asa nahitabo ang landslide.
Padayon pa ang pagkalap og dugang datos aron masayran pila ang damyos.
