Tulo ka mga sakop sa New Peoples Army kon NPA ang naaresto sa mga otoridad sa Banga, South Cotabato nga may dala nga mga eksplosibo.
Giila ni Col. Jemuel Siason, South Cotabato police director, ang mga naaresto nga silang Merlyn Bansil Guisan, 42 anyos; Ronald Olin Bansil, 27 anyos og Andy Gelodin nga nasikop sa 5th Special Forces Battalion, ilawom sa 6th Infantry Division sa Philippine Army.
Ang mga nasampit ang sakay sa motorsiklo padulong sa sentro sa Banga.
Sa dihang anaa sa checkpoint ang usa sa mga sakay sa motorsiklo ang kadudahan ang kalihokan hinungdan nga gi-inspection ang backpack.
Nakit-an sa sulod sa bag ang MK2 fragmentation grenade, improvised explosive device nga may cellphone og may triggering mechanism.
Ang maong mga eksplosibo ang kasagarang gigamit sa NPA sa South Cotabato.
Ang tulo ang nabilanggo sa Banga municipal police detention facility og gaatubang og kalabutan sa ilegal posession of explosives.
