GENERAL SANTOS CITY – Mukabat sa 152 ang kaso sa COVID 19 ang natala sa region 12 base sa labing ulahing report sa DOH – Center for Health Development Soccsksargen Region.
Gibutyag nga 80 ang bag-ong recoveries og walo ang patay. Sa walo nga namatay unom ang gikan sa GenSan og duha ang gikan sa Polomolok, South Cotabato.
Sa 152 ka kaso 83 ang gikan sa GenSan, 35 sa South Cotabato, 21 sa North Cotabato og 13 sa Sultan Kudarat.
Ang South Cotabato ang gapanguna gihapon sa may labing daghang kaso sa COVID 19, nga may 8,791 ka kaso, 688 ang active cases og 242 ang patay. Ang Gensan ang may 7,275 ka kaso, 721 ang active cases og 231 ang patay.
Ang North Cotabato ang may 4,409 ka kaso 616 ang active cases og 237 ang patay. Ang Sarangani ang may 2,999 ka kaso, 428 ang active cases og 46 ang patay.
Ang Sultan Kudarat ang may 2,914 ka kaso, 166 ang active cases og 96 ang patay.
Sa katibuk-a adunay 26,389 COVID-19 confirmed cases sa SOCCSKSARGEN region kung asa 2,619 (9.92%) ang active cases, 22,913 (86.83%) ang recoveries og 852 (3.23%) ang COVID-19 related deaths.
