GENERAL SANTOS CITY- Mukabat na sa 319 ka empleyado na ang nabakunahan gamit ang covid vaccine nga iya sa South Cotabato Filipino Chinese Chamber of Commerce Incorporated.
Matud kang Checklet Rillo sa SCFCCCI, hapsay ang pagbakuna nga gipahigayon sa operation bakuna center nga gilauman nilang mahuman dayun sulod sa lima ka adlaw.
Kahibaluan dul-an 8,000 vials sa Sinovac vaccine ang nakuha sa chamber nga alang na sa duha ka doses.
Giklaro ni Rillo nga tanang beneficiaries ang anaa na sa listahan nga gihuptan sa SCFCCCI kung diin mga empleyado kini gikan sa kompanya nga ilang miyembro.
Kagahapon sa unang adlaw sa vaccination mas daghang edaran og may commorbidities ang nabakunahan.
Giklaro usab ni Rillo, misunod gihapon ang chamber sa priority listing nga gilatag sa gobyerno.
Giawhag ang mga katawhan nga kung nalakip sa priority list angayang magpabakuna o kung mabakunahan dili usab angayang magkumpiyansa.
