GENERAL SANTOS CITY -Onse ka COVID19 patient ang nakabsan sa kinabuhi gumikan niini misaka na sa 777 ang COVID-19 related deaths sa rehiyon dose.
Base sa ulahing report sa DOH- Center for Health Development Soccsksargen Region, sa mga nadugang nga namatay tig-duha gikan sa GenSan, Midsayap North Cotabato og Koronadal City, og tig-usa gikan sa Kidapawan City, Banga, South Cotabato, Tacurong City , Bagumbayan Sultan Kudarat, og Polomolok South Cotabato.
Nanguna ang North Cotabato sa adunay daghang namatay sa covid 19 nga mitala og 220, ikaduha ang South Cotabato 214 ang patay, ikatulo ang GenSan 211 ang patay, ikaupat ang Sultan Kudarat anaa sa 91 ang patay og ikalima ang Sarangani Province 41 ang katibuk-ang ihap sa namatay tungod sa virus.
Sa ulahing datos usab mukabat sa 218 ang bag-ong nagpositibo sa sakit og 186 ang nadugang sa mga nakarekober.
Sa katibuk-an, mukabat na sa 24,329 ang COVID-19 confirmed cases sa rehiyon, 3,086 ang active cases og 20,462 ang recoveries.
