GENERAL SANTOS CITY – Nagpaklaro ang City Health Office nga wala pa nasugdan ang pagbakuna sa mga anaa sa A4 priority list.
Matud pa kang Dr. Jett Oco, labaw sa maong buhatan nga wala pay advice gikan sa Department of Health kon DOH alang kanila nga bakunahan na ang mga economic frontliners.
Sa iyang pamahayag nga daghan pa sa mga senior citizens og may commorbidities ang wala pa nabakunahan hangtud karon.
Gawas pa nga limitado usab ang bakuna nga gihatag sa DOH alang sa dakbayan.
Hinoon padayon ang paglista sa mga Rural Health Unit sa mga gusto nga mabakunahan aron nga kung muabut ang bakuna gamiton ang lista alang sa priority list sa mga maturukan ug bakuna.
Una niini gibutyag sa DOH nga lauman nga muabot ang daghang bakuna sa nasud sa bulan sa Hulyo hangtud sa katapusan sa 2021.
Tungod niini gilauman usab nga daghan ang madawat nga bakuna sa syudad.
