GENERAL SANTOS CITY – Depression ang gituohan nga hinungdan sa paghikog patay sa usa ka tawo sa Maligo, Polomolok, South Cotabato.
Ang biktima ang nailhan sa pangalan nga si Lemuel Domen 31, anyos, ulitawo nga residente sa nasampit nga lugar.
Matud pa nga nakita na lamang ang biktima nga patay na samtang nagbitay sa sanga sa langka.
Tungod sa maong panghitabo giimbestigahan gihapon sa Polomolok Municipal Police Station ang hinungdan sa maong insidente.
Una niini nagpahimangno ang mga eksperto ngadto sa publiko nga kung may mamatikdan nga wala na sa normal nga gimbuhaton ang usa ka tawo dili kini pasagdan ug gilayon nga dad-on sa psychiatrist o kaha ipakonsulta sa doktor.
Tungod ang depression ang maghatag ug peligro ug kinahanglan nga mahatagan og igong atensyon.
