GENERAL SANTOS CITY – Nanghinaut ang GenSan League of Events Organizers nga mahatagan sila og igong atensyon sa local IATF tungod nagkalisod na gayud ang ilang sektor.
Matud pa kang Lee An Omega, ang presidente sa GenSan League of Events Organizers nga dunggon ang ilang apila nga madugangan ang gidaghanon sa mga mutambong sa selebrasyon og dili muubos sa 10 ka tawo.
Sa pamahayag ni Omega nga gitugtan sa syudad nga muabli ang mga saloons og uban pa busa ikonsidera ang ilang hangyo.
Hinoon gipaklaro ni Omega nga nasabtan nila ang sitwasyon karon tungod pandemnya.
Kahibaluan nga sa EO 25 nakalatid nga dili mosobra sa 10 ka tawo ang anaa sa venue kung magpakasal.
Tungod niini daghan ang naka-schedule nga kasal ang gisibog sa laing mga bulan.
Sa EO 26, nakalatid nga giablihan ang laing mga negosyo og pwede na nga magbiyahe ang mga tricycles gawas sa ilang cluster.
