South Cotabato nanguna sa tibuok Region 12 nga adunay labing daghang active COVID-19 cases

GENERAL SANTOS CITY – Mukabat na sa 10,994 ang COVID-19 confirmed cases sa tibuok Soccsksargen, human madugang ang 364 nga bag-ong mga kaso.

Base sa May 27 tracker bulletin sa Department of Health, gikan sa kinatibuk-ang ihap, nanguna ang South Cotabato sa adunay labing daghang aktibo nga kaso sa Region 12 nga mitala sa kasamtangan og 628 og gisundan sa Gensan nga may 619 active cases, ikatulo ang Sarangani-407, ikaupat ang North Cotabato-390, ikalima ang Sultan Kudarat nga adunay 191 ka aktibong kaso.

Apan sa mga lugar sa Region 12 nga adunay taas nga covid 19 related death, nanguna ang gensan nga mitala og 112, gisundan sa North Cotabato-94, South Cotabato-78, Sultan Kudarat-30 og Sarangani -25 ang napatay tungod sa maong sakit.