GENERAL SANTOS CITY – Nakig-alayon na karon ang lokal nga gobyerno sa dakbayan sa mga barangay og sa nagkadaiyang mga grupo sa syudad aron mahatagan og hinabang ang mga apektadong mga residente human nga gipailawom ang dakbayan sa General Community Quarantine kon GCQ.
Matud pa ni Mayor Ronnel Rivera nga iyang nasabtan ang katawhan kung asa gipulong na ang nagkadaiyang mga department heads sa LGU Gensan aron muabag sa paghatag og hinabang sa mga nanginahanglan nga mga residente.
Matud pa sa city chief executive nga giandam na karon ang mga hinabang aron mahatag gilayon sa mga apektadong mga residente.
Matud niini nga may kamandu-an na aron paspsan ang preparasyon sa City Social Welfare and Development Office , City Administrators Office og uban pa aron madawat gilayon sa katawhan.
Kahibaluan nga daghan ang nabalaka sa sitwasyon tungod ubay-ubay nga mga gagmayng negosyo ang wala gitugtan mangabli human nga gipailawom ang syudad sa GCQ.
