GENERAL SANTOS CITY – Mukabat sa 200 ang bag-ong kaso sa COVID 19 sa Region base sa labing ulahing report gikan sa DOH – Center for Health Development Soccsksargen Region.
Natala usab ang 127 nga recoveries og pito ang patay. Sa mga namatay upat ang gikan sa GenSan, usa ang gikan sa President Quirino, Sultan Kudarat, T’Boli, South Cotabato og Koronadal City.
Sa 200 ka kaso, 83 ang gikan sa GenSan, 61 ang sa South Cotabato, 40 sa Cotabato Province og dise sais sa Sultan Kudarat. Gumikan niinii anaa sa 3,394 ang kaso sa COVID 19 sa GeNSan, 594 ang active cases og 112 ang patay.
Ang South Cotabato ang may 3,336 nga kaso, 590 ang active cases og 98 ang patay.
Sa Cotabato Province adunay 1,759 ka kaso, 384 ang active cases og 93 ang nagtaliwan.
Ang Sarangani ang may 1,079 ka kaso, 277 ang active cases og 25 ang nakabsan sa kinabuhi.
Ang Sultan Kudarat ang may 1,062 ka kaso, 150 ang active cases og 30 ang patay.
Sa katibuk-ang adunay 10,630 ang COVID-19 confirmed cases sa SOCCSKSARGEN region kung asa 1,995 (18.77%) ang active cases, 8,295 (78.03%) ang recoveries og 338 (3.18%) ang COVID-19 related deaths.
