GENERAL SANTOS CITY – Gipahimangnu-an ang katawhan nga dili magdula sa baha tungod hugaw ang tubig nga tinubdan sa daghang mikrobyo.
Kini ang pahimangno ni Dr. Fidel Peñamante, presidente sa GenSan Medical Society nga ang usa sa mga posibleng sakit nga maangkon gikan sa hugaw nga tubig mao ang liptospirosis, ang balatian nga makuha gikan sa ihi sa ilaga nga infected sa bacteria.
Tungod niini giawhag ni Dr. Peñamante nga dili pasagdan sa ginikanan ang mga bata nga magdula sa baha gumikan daghan ang sakit nga posibleng maangkon ………… Ang bacteria ang pwede nga maangkon kung may samad hilabi sa tiil ang usa ka tawo.
Ang mga sintomas niini mao taas nga hilanat, pagpananakit sa lawas, takigan, magpula ang mata, sakit sa tiyan, pagsuka-suka, rashes, og kalibanga.
Matud niini nga kung dili gilayon matutukan ang pasyente magresulta sa iyang pagkamatay.
