GENERAL SANTOS CITY – Walo ka mga barangay sa GenSan ang grabeng nakasinati og pagbaha tungod sa hilabihan kakusog nga ulan kagabie.
Base sa initial report gikan sa City Disaster Risk Reduction and Management Office(CDRRMO) sa pagpanguna ni Dr. Agripino ‘Bong’ Dacera, ang mga apektado Barangay mao ang Mabuhay(Dacera Avenue og Purok Intik); Brgy. Sinawal-(Prk. Corn Ville); Brgy. Tambler(Prk. Paradise); Brgy. Labangal(Palen NHW, Prk. Panggian og Prk. Balunto) ; Brgy. Calumpang (Upper og Lower Puting Bato) ; Brgy. Lagao (Conel Road, Nursery Road og Prk. Balite); Brgy. Apopong (Prk. San Lorenzo Ruiz) ; Brgy. Fatima ( Prk 17A og 17B).
Sa kasamtangan, walay natala nga injured o nadala sa hospital.
Apan gibutyag ni Dacera nga adunay mga poste sa kuryente og punuan sa kahoy ang nangatumba.
Padayun karon ang maong ahensya sa pagpangalap og dugang impormasyon kalabotan sa kusog nga pag-ulan.
