GENERAL SANTOS CITY– Mukabat sa 106 ka bag-ong kaso sa COVID 19 ang natala sa Region 12 base sa labing ulahing report gikan sa DOH – Center for Health Development Soccsksargen Region.
Nasuta nga 11 lang ang bag-o nga nakarekober og tulo ang patay nga tag usa gikan sa North Cotabato, GenSan og Sultan Kudarat.
Sa 106 ka bag-ong kaso 50 ang gikan sa GenSan, 35 gikan sa Sultan Kudarat kung asa ang 26 ang residente sa Se. Ninoy Aquino, 11 sa Cotabato Province, og siyam sa Sarangani Province kung asa walay natala sa South Cotabato.
Tungod niini anaa sa 2,764 ang kaso sa COVID 19 sa GenSan, 296 ang active cases og 98 ang patay.
Ang South Cotabato ang anaa sa 2,635 ka kaso, 480 ang active cases og 64 ang nagtaliwan.
Sa Cotabato Province adunay 1,432 ka kaso, 257 ang active cases og 59 ang patay.
Sa Sarangani adunay 883 ang kaso sa COVID 19 kung 214 ang active cases og 18 ang patay.
Ang Sultan Kudarat ang may 866 ka kaso, 98 ang active cases og 21 ang ang patay.
Sa katibuk-an adunay 8,571 ang COVID-19 confirmed cases sa region 12 kung asa 1,345 (15.69%) ang active cases, 6,944 (81.02%) ang recoveries og 280 (3.27%) ang COVID-19 related deaths.
