GENERAL SANTOS CITY – Gipasabot sa dakbayan sa Heneral Santos nganong kinahanglan nga ipatuman ang curfew sa syudad.
Matud pa ni City Administrator Atty. Arnel Zapatos nga kini aron malimitahan ang kalihokan sa mga tawo.
Angayang maputol ang pagtinakdanay sa COVID 19 aron nga dili mag-antus ang daghang mga tawo. Kung daghan ang sige gagawas sa balay dako ang posibilidad nga ubay-ubay ang matakdan sa virus .
Samtang gipaklaro niiini nga ang liquor ban ang ipatuman sulod sa 24 oras og dili lang panahon sa curfew.
Ang mga entertainment industry ang angayang manirado alas 9:30 sa gabii aron nga makapanirado ang establismento og makapauli na ang mga customers una magsugod ang curfew alas 10:00 sa gabii.
Ang pagsimba ang gitugtan gihapon sa syudad sa adlawng Domingo apan kinahanglan nga limitado lamang ang mga tawo og sundon ang mga protocols.
Kahibaluan nga ang maong sitwasyon ang gipatuman usab sa syudad sa miaging tuig.
